मधुर ती स्वरहरु अधुराछन् बूढा

एक दुई प्यकले हजुरलाई मतायोकि कतै
अतितका ती रातले सतायोकि कतै

बारम्बार बाडुल्की त मलाई पनि आउँछ
दुईजिउ मेरो बतासले बतायोकि कतै

निदरीमा पनि त म सिरानीलाई च्याप्छु
आफ्नै तनलाई गाली गर्छु छटायोकि कतै

छल्दो रैछ अधेरीमा कोही छाम्छु छेउमा
दैवले नै रातकोलागी खटायोकि कतै

पीरमा डुब्छु बिहानीमा छामीहाल्छु पेट
राक्षसले रातै यस्लाई घटायोकि कतै

मधुर ती स्वरहरु अधुराछन् बूढा
कोही आई तारहरु कटायोकि कतै